بتحبيه؟؟..لو بتحبيه خافى عليه..انتى كده هتوديه جهنم!!
ترضى تكونى السبب ان يشتعل عليه قبره نارا؟؟
ترضى تكونى انتى السبب ان تزل قدميه من على الصراط فى النار
ترضى تكونى انتى السبب انه يتعذب فى جهنم
انتى كده رخصتى نفسك .. مقامك ان شاب يتقدملك فى بيت اهلك
مقامك ملكه على الحور العين فى الجنه.. وليس فتاه رخيصه اخذها شاب من الشارع وضحك عليها بمكالمه
هاتفيه او كلام عن طريق النت انتهى بحب وهمى
ونهايتك ايه بعد كل ده...!!!
ما سمعتيش عن الحادثه عن العربيه النقل اللى عملت حادثه على جانب الطريق فسحقت عربيات كتير
واثناء انتشال الجثث
وجدوا جثة شاب وفتاه كانوا فى حالة زنا والعياذ بالله وكانت النتيجه
ان ربنا فضحهم قدام كل الناس وصارت فضيحتهم زى ما بيقولوا بجلاجل
طب انتى مستعده تموتى معاه دلوقتى وتلقى الله على هذه الخاتمه؟؟
لو بتكلميه فى التليفون من ورا اهلك او حتى فى النت
مستعده؟؟؟
طب تخيلى نفسك لحظة البعث.. الكفن يتمزق من حول جسدك تنتفضى من تحت التراب صراخ من حولك من كل جهة لكنك لا ترى اى شىءواذا بيد على كتفك من الجانبين
فتصرخى بفزع مين؟..سائق وشهيد.. ستساقى للعرض على الله
عاوزه تمشى معاه ؟؟امشى معاه..لكن لو هينجيكى يومها من العذاب
احذرى ان ينظرالله لكى وانتى بتقولى له كلام حب فينظر الله لكى نظره غضب ولو نظر الله نظرة
غضب فقد ضعتى وضاع كل شىء فى دنيتك واخرتك
لسه بتحبيه؟؟لو بتحبيه سيبيه لله انتى كده سبب فتنته فى دينه
من ترك شيئا لله عوضه الله خيرا منه.. لو تركتيه لاجل الله لو هو الخير ليكى
سياتى الله به اليكى فى الحلال ولو ما فيش فيه خير ليكى ربنا حيعطيكى خيرا منه
ثقى فى ربنا وشوفى حياتك حتكون عامله ازاى
واخيرا طب ايه العمل؟؟!!
طب اعمل ايه ما انا غضب عنى بحبه؟
اليكى العلاج المفيد :
1_استعينى بالله بالدعاء ان ربنا يرزقك زوج صالح تاخدوا بايد بعض للجنه
2_حتى يلتئم الجرح لابد ان يغلق عليه تماما.غيرى نمرة تليفونك او اى وسيلة اتصال كانت بتربطك بيه
3_ابعدى عن اى مكان ممكن يتواجد فيه
4_ابداى قربى من ربنا واسمعى شرايط او برامج دينيه تملء حب الله ورسوله فى قلبك
روشته سريعه:اول اسبوع حتحسى انك تعبانه ومش قادره على بعاده..ثانى اسبوع حتحسى انك ندمانه..ثالث اسبوع مع الدعاء والصحبه الصالحه وحضور دروس الدين حتحزنى لما تفتكرى اللى عملتيه معاه
وبالتدريج حتندمى انك اساسا عرفتيه لانه كان جدار عازل بينك وبين ربنا
يارب الموضوع يكون عجبكم واسفه لو كنت طولت عليكم
لكن بجد كان لازم نعمل صحوه خفيفه كده
ملحوظه:الكلام موجه للجنسين ولكنى خاطبت الجنس اللطيف لانه غالبا بيكون الاضعف فى تلك
المواقف
الجنـــــــس
المشاركات
العمـــــــــــر
البـــــــــــلد
عمــــــــلى
مزاجى
دعـــــــائى
موضوع: لو بتحبيه خـــــــــــــــــــــافى عليه 
